… నేనును నా యింటివారును యెహోవాను సేవించెదము … యెహోషువ 24:15
పల్లవి : ఓ ప్రభువా నిన్నే నేను సేవింతున్ (2)
1. రాహాబువలె నీతిని పొంది – రూతువలె నిన్ హత్తుకొని (1)
యెహోషువవలె వాక్యం పాటించి – ప్రార్థన ద్వారా బలము పొంది(1)
నిన్ను నే, నిన్ను నే – సేవింతు నిరతం (2) ॥ ఓ ప్రభువా॥
2. ఏలీయావలె విశ్వాసముంచి – పలు శ్రమలలో ధైర్యము గల్గి
ఏలీషావలె దీనుడనై – రెండింతల ఆత్మను పొంది
నిన్ను నే, నిన్ను నే సేవింతు నిరతం ॥ ఓ ప్రభువా॥
3. ఇశ్రాయేలు నిన్ విడచినట్లు – బయలుకు బలి నర్పించినట్లు
నిన్ను నేను విడువనెన్నడు – సాతానుని చూడనెన్నడు
నిన్ను నే, నిన్ను నే – సేవింతు నిరతం ॥ ఓ ప్రభువా॥