దేవుడే దీనుడై నరునిగా జన్మించెనే రిక్తుడై దాసుడై పశుశాలలో పవళించెనే

దేవుడే దీనుడై నరునిగా జన్మించెనే
రిక్తుడై దాసుడై పశుశాలలో పవళించెనే (2)
పరము వీడి పరితపించి మనలను రక్షింపను (2)
మహిమ దేవుడే మట్టి మనిషై లోకమున కరుదెంచెను (2)
||దేవుడే||

అర్ధరాత్రి వేళలో ఆకాశ దూత సైన్యము
లోక రక్షకుని జననమున్ మంద కాపరులకు తెలిపినే (2)
దావీదు పట్టణమందు ఆ దీన కన్య మరియకు (2)
దైవమే పరిశుద్ధ నరునిగా జన్మించెననీ
||దేవుడే||

తూర్పు దేశపు జ్ఞానులు గగనాన తారను కనుగొని
శోధించిరి పయనించిరి ప్రభువు ఉన్న స్థలమునకు చేరిరి (2)
బంగారు సాంబ్రాణి భోళములను అర్పించిరి (2)
యూదుల రాజని ప్రభువుని పూజించిరి... ఈ...
||దేవుడే||

ఆద్యంతమూ లేని దేవుడే ఆదాము పాపము కడ్డుపడెన్
ఆనందమైన మోక్షమున్ మనకందరికీని ఇయ్యనూ (2)
తన ప్రాణమును లెక్కింపక మ్రానుపై మరణించను (2)
శాపములను పరిహరింపగా ప్రభువే వచ్చెననీ.....
||దేవుడే||