దీనుల యెడల కృప చూపువాడా నీ దాసుని దాటిపోకయ్యా

దీనుల యెడల కృప చూపువాడా
నీ దాసుని దాటిపోకయ్యా (2)
నీవే నా ఆధారము నా యేసయ్యా
నీవే నా ఆశ్రయము (2)
||దీనుల||

విరిగి నలిగి నేను ఉన్నానయ్యా
ఎదకోతతో నిన్నే చేరితినయ్యా (2)
అమ్మలాగ ఆదరించే దేవుడవు
అనాధగా నన్ను విడువని దేవుడవు (2)
||దీనుల||

విరోధుల అంబులకు అప్పగించకా
నా కవచం నీవై నన్ను కాపాడితివి (2)
నా శ్రమ నిందలను చూచితివి
దుఃఖము సంతోషముగా మార్చితివి (2)
||దీనుల||

నా చేయి పట్టి నన్ను నడిపించితివి
కృపా ఐశ్వర్యములతో నన్ను నింపితివి (2)
క్రీస్తునందు ప్రతి అక్కర తీర్చావు
కృతజ్ఞుడనై నేను జీవించెదను (2)
||దీనుల||