మరియ తనయుడై మనుజావతారుడై మహిలోన వెలసెను

మరియ తనయుడై - మనుజావతారుడై
మహిలోన వెలసెను - మనకొరకై జన్మించెను
ఆనందమానందమే - లోకానికి శుభదినమే
ఆనందమానందమే - సర్వసృష్టికి సంతోషమే

ఒక దూత తెలిపెను - గొల్లలకు శుభవార్తను
ఒక తార వెలిసెను - రారాజుని ప్రకటించెను
||ఆనందమానందమే||

బెత్లెహేము పురములో - దావీదు వంశంబులో
రక్షకుడు వెలసెను - మన పాపము తొలగించెను
||ఆనందమానందమే||

రాజులకే రాజుగా - ప్రభువులకే ప్రభువుగా
ఇమ్మానుయేలుగ - యేసయ్య జన్మించెగ
||ఆనందమానందమే||