అక్షయుడా నా ప్రియ యేసయ్యా నీకే నా అభివందనం

అక్షయుడా నా ప్రియ యేసయ్యా నీకే నా అభివందనం (2)
నీవు నాకోసమే తిరిగి వస్తావని నేను నీ సొంతమై కలిసిపోదామని
యుగయుగములు నన్నేలుతావని నీకే నా ఘన స్వాగతం
||అక్షయుడా||

నీ బలిపీఠమందు పక్షులకు వాసమే దొరికెనే
అది అపురూపమైన నీ దర్శనం కలిగి జీవించునే
నేనేమందును ఆకాంక్షింతును నీతో ఉండాలని కల నెరవేరునా
నా ప్రియుడా యేసయ్యా
చిరకాల ఆశలు నెరవేర్చుతావని మదిలో చిరు కోరికా
||అక్షయుడా||

నీ అరచేతిలో నను చెక్కుకొని మరువలేనంటివే
నీ కనుపాపగా నను చూచుకొని కాచుకున్నావులే
నను రక్షించినా ప్రాణమర్పించినా నను స్నేహించినా నను ముద్రించినా
నా ప్రియుడా యేసయ్యా
పానార్పణముగా నా జీవితమును అర్పించుకున్నానయా
||అక్షయుడా||

నీవు స్థాపించిన ఏ రాజ్యమైన కొదువ లేకుండులే
బహు విస్తారమైన నీ కృపయే మేలుతో నింపునే
అది స్థిరమైనదై క్షేమము నొందునే నీ మహిమాత్మతో నెమ్మది పొందునే
నా ప్రియుడా యేసయ్యా
రాజ్యాలనేలే శకపురుషుడా నీకు సాటెవ్వరు
||అక్షయుడా||

-------------------------------------------------------------------------
CREDITS : హోసన్నా మినిస్ట్రీస్ (Hosanna Ministries)
-------------------------------------------------------------------------